បញ្ជាការដ្ឋានកងរាជអាវុធហត្ថខេត្តតាកែវ នឹងលេចរូបរាងថ្មីក្នុងពេលឆាប់ៗនេះ
ខេត្តតកែវ ៖ សមិទ្ធិផលថ្មីមួយទៀត គឺ ទីបញ្ជាការដ្ឋានកងរាជអាវុធហត្ថខេត្តតាកែវថ្មី និងលេចរូបរាងឡើងក្នុងពេលឆាប់ៗនេះ ក្រោមការផ្ដួចផ្ដើមកសាងពីសំណាក់ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស អនុវត្តការងារផ្ទាល់ដោយ លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ។
យោងតាមលោកមេបញ្ជាការកងរាជអាវុធហត្ថខេត្តតាកែវ បានឲ្យដឹងថា «ទីបញ្ជាការបច្ចុប្បន្នមានលក្ខណៈតូចចង្អៀតពិបាកទុកដាក់សម្ភារៈ មធ្យោបាយគ្រឿងបំពាក់កងកម្លាំង ដូចនេះហើយទើបលោកស្នើទៅថ្នាក់លើដើម្បីផ្លាស់ប្តូរទីតាំងទៅកន្លែងធំទូលាយដែលមានចម្ងាយប្រមាណ៣គីឡូម៉ែត្រពីទីតាំងចាស់»។
លោកឧត្តមសេនីយ៍ត្រីមេបញ្ជាការ បានបញ្ជាក់ទៀតថា «ទីបញ្ជាការដ្ឋានថ្មីនេះ គឺនឹងចាប់ផ្តើមបុកគ្រឹះសាងសងនៅថ្ងៃទី៧ ខែកុម្ភៈ ឆ្នាំ២០២៥ ខាងមុខនេះ ដែលមានទីតាំងនៅភូមិត្រពាំងអង្គ សង្កាត់ក្រៅ ក្រុងដូនកែវ ខេត្តតាកែវ»៕ (សម្រួលអត្ថបទៈ រតនៈ ភារុន , ប្រភពៈ កងរាជអាវុធហត្ថខេត្តតាកែវ)
