តើអធិការក្រុងសៀមរាបបានជ្រាបទេ ពីសង្វៀនជល់មាន់ និងអាប៉ោងបៀនៅសង្កាត់អង្គរធំ!…!!

ប្រជាពលរដ្ឋនៅភូមិទំនប់អញ្ចាញ សង្កាត់អង្គរធំ ក្រុងសៀមរាប ខេត្តសៀមរាប មានការព្រួយបារម្ភជាខ្លាំង ខណៈក្នុងមូលដ្ឋានរបស់ខ្លួនរស់នៅ មានបនល្បែងសង្វៀនប្រជល់មាន់ និងអាប៉ោង បៀដ៏ធំមួយ​កន្លែងដែលបើកដំណើរការស្វាគមន៍ក្រុមអ្នកញៀនល្បែងមកពីគ្រប់ទិសទី ចាប់ពីវេលាម៉ោង១រសៀលតទៅ រៀងរាល់ថ្ងៃចន្ទ ព្រហស្បតិ៍ សុក្រ និងថ្ងៃអាទិត្យ លេងភ្នាល់ដាក់ប្រាក់រហូតដល់ខ្ទង់ម៉ឺនដុល្លារ ស្រែកឡូឡាឥតក្រែងញញើតច្បាប់ បង្កើតបញ្ហាឲ្យពលរដ្ឋភ័យខ្លាចស្ទើររាល់ថ្ងៃ​ ក៏ព្រោះតែល្បែងស៊ីសងមួយនេះ។

ប្រជាពលរដ្ឋមានការងឿងឆ្ងល់ថា តើលោកអធិការជ្រាបរឿងនេះឬកអត់ បានជាអត់ឃើញបង្ក្រាប? ? ?

ទោះជាយ៉ាងនេះក្តី ពួកគាត់ក៏បានធ្វើការសំណូមពរដល់លោក អធិការក្រុងសៀមរាប និងលោកស្នងការខេត្តសៀមរាប ជួយពិនិត្យមើល នឹងធ្វើការបង្រ្កាប សង្វៀនមាន់ និងវង់អាប៉ោង បៀមួយកន្លែងនេះផង ដើម្បីឆ្លើយតបនិងគោលនយោបាយភូមិ-សង្កាត់មានសុវត្តិភាព ដែលរាជរដ្ឋាភិបាលបានដាច់ចេញមក ដើម្បីផ្តល់ភាពកក់ក្តៅជូនពួកគាត់ តែបើមិនអើពើក្នុងការអនុវត្តទេ ពួកគាត់នឹងបន្តរងគ្រោះព្រោះអំពើចោរលួច ឆក់ ប្លន់ អសន្តិសុខផ្សេងៗ ដែលផ្តើមចេញពីល្បែងស៊ីសងហ្នឹងឯង៕

ការិយាល័យព័ត៌មានៈ088 800 98 33 / 096 200 98 33.