កាចណាស់! កំពុងដើរដកផ្សិតសុខៗ ស្រាប់តែ…….
ខេត្តពោធិ៍សាត់ ៖ ស្ត្រីវ័យ ៣៨ ឆ្នាំ ម្នាក់ ត្រូវរន្ទះបាញ់បណ្តាលឲ្យរងរបួសធ្ងន់ ខណ:កំពុងភ្លៀង ហើយគាត់ដើររកផ្សិត។
ហេតុការណ៍នេះបានកើតឡើងកាលពីថ្ងៃអង្គារ ទី០២ ខែមិថុនា ឆ្នាំ២០២០ កាលពីវេលាម៉ោង ១២ និង០៥នាទី នៅចំណុចភ្នំត្រប់ ក្នុងភូមិវាលវង់ ឃុំរកាត ស្រុកភ្នំក្រវាញ ខេត្តពោធិសាត់ ។
មន្ត្រីនគរបាលស្រុកភ្នំក្រវាញបានឲ្យដឹងថា ៖ ជនរងគ្រោះ ឈ្មោះ ឃុត សឿន (ហៅជ្រូក) ភេទស្រី អាយុ៣៨ឆ្នាំ រស់នៅភូមិមល់ ឃុំរកាត ស្រុកភ្នំក្រវាញ ខេត្តពោធិ៍សាត់ ។
មុនពេលកើត ហេតុស្ត្រីរងគ្រោះ បានចេញពីផ្ទះទៅរកដកផ្សិត លុះដល់ចំណុចកើតហេតុខាងលើ មេឃធ្លាក់ភ្លៀង លាយឡំខ្យល់ ផ្គរន្ទះ ក៏ស្រាប់តែរន្ទះបាញ់ត្រូវចំជើង និងភ្លៅខាងស្តាំរបស់គាត់ធ្វើឲ្យរន្ធត់ស្មារតីដួលសន្លប់ បានអ្នកស្រុកដែលទៅរកផ្សិតជាមួយបញ្ជូនទៅសង្គ្រោះនៅមណ្ឌលសុខភាពភ្នំក្រវាញ ៕ អត្តបទដោយៈ ស៊ុំ សុខជា
